رواية عروس_متمردة((كاملة حتى الفصل الأخير)) بقلم سولييه_نصار

الفيلا ....

وصلنا البيت ...
وأول ما وصلنا زقني ابويا لجوا البيت لحد ما وقعت على الأرض ...بصتله وقولت 
ابوس ايديك يا بابا اسمعني بس أنا ....
رفع ايديه وقال
خلاص أسكتي وادخلي اوضتك بهدوء ...
وفعلا مستنتش ودخلت اوضتي ...

تاني يوم 
كنت قاعدة في اوضتي وانا بعيط ...مخرجتش منها من الصبح حتى الشغل مرحتهوش ولا أكلت ....اتصالات كتير جاتلي من أصحابي عشان يعرفوا اللي حصل بس أنا مكنتش برد ..مكانش عندي طاقة اتكلم ...
دخل ابويا عليا فجأة وقال
جهزي نفسك هنسافر البلد عند عمك!!
ليه !
قولتها وأنا بمسح دموعي فرد ببرود
عشان خطوبتك هتكون على ابنه الاربع اللي جاي !!!
يتبع
عروس_متمردة
سولييه_نصار
الجزء التاني شكرا على تفاعلكم السكربقلم سولييه نصار
انت بتقول ايه يا بابا!
قولتها پصدمة ودموعي تنزل بس هو كان ملامحه باردة متأثرش بدموعي خالص ...
بابا أنا عارفة اني غلطت ..عارفة والله وبعتذر منك ...
كويس أنك عارفة غلطك بس أكيد مش عارفة ان اللي اكتشفته ده كسرني قد ايه ..مكسوفة من أبوكي يا آية ...أنا بشتغل ليل نهار عشان بس اكفيكي ...عشان محدش يكون احسن منك و ده جزاتي مكسوفة مني ومن شغلتي يا آية..خلتينا فرجة للي يسوى واللي ميسواش ...
عيطت بصوت أعلى وقولت 
انا اسفة ...اسفة يا بابا ..
اتنفضت لما زعق فيا جامد وقال
وانا أعمل بأسفك ايه ...أعمل بأسفك ايه انطقي!!!!
رجعت لورا من الخۏف فمسكني من ذراعي وقال 
انطقي يا آية اصرف اسفك من فين !انسى ازاي اني اتهنت من واحد قد عيالي ...وبقيت في وسط هدومي قدام الناس ...مبقتش قادر ابص في وش الناس في الشارع الكل بيتريق عليا بيقولي اني معرفتش اربي بنتي ...الكل شمتان فيه يا آيه ...
صوته اتخنق وعينيه دمعة فوقعت على الأرض وانا ببوس رجله وبقول
انا اسفة والله اسفة ياريتني مت قبل ما أعمل كده ...سامحني يا بابا ...
بعد شوية وبصلي وهو بيمسح دموعه اللي نزلت وقال
خلاص يا آيه انتهى الموضوع انتي هتتجوزي منذر ابن عمك .....لو عايزاني اسامحك فعلا اتجوزيه من غير أي نقاش ...
بصتله پصدمة وانا بعيط فكمل 
وكمان خلاص ملناش عيشة في البلد دي .. بعد اللي حصل أنا مش هقدر اوري وشى للناس ...
بس أنا مشوفتش منذر ده خالص وبعدين أنا بحب أدهم يا بابا أنا ...
اسكتي يا آية خلاص انسي أدهم خالص لو كان بيحبك مكانش فضحك قدام الكل...اللي بيحب بجد عمره ما يعمل في اللي بيحبه كده ...عمره ما يأذيه بالشكل ده ادهم محبكيش ومظنش ان ليكم فرصة بعد اللي حصل ...لا هو هينسى أنك كدبتي عليه ولا انتي هتنسى انه فضحك ...مفيش فرصة ليكم اسمعي الكلام وجهزي نفسك نرجع البلد وبعد الخطوبة هصفي كل شغلي هنا ونرجع البلد كده كده بعد ما أمك الله يرحمها ماټت مبقتش حابب العيشة هنا انا كنت عايش هنا عشان خاطرها وهي راحت وبعد اللي حصل ده احسن حل...هنرجع ونعيش في البلد ..يالا 

من جوايا كنت رافضة الموضوع بس مقدرتش اعارض وخاصة بعد ما كسرت قلب بابا باللي عملته ...

بالفعل كنا بالليل في الاتوبيس ورايحين البلد...
كنت ماسكة موبايلي ويتصفح فيه لما قررت ادخل اكونت ادهم اللي اكتشفت انه لغى الصداقة ما بيننا بس معملش بلوك الحمدلله وقررت اكلمه يمكن ترجع المياه لمجاريها ويسامحني ونتجوز بس فجأة اتجمدت وانا ببص في صفحته ...كان متصور مع واحدة حلوة ولابس دبلة وكاتب انه خطب!!!!
يتبع
عروس_متمردة
سولييه_نصار
الجزء التالت شكرا على