رواية تزوجت إمرأه صعيديه (الفصل الواحد وثلاثين 31) بقلم دينا عبد الله
معايا وما صدقتي انك تخلصي مني.... هو دا حبك ليا..... وجايه دلوقتي بعد الفتره دي كلها وتقولي سامحني
قرب خالد وقرر يتدخل وقال خلاص يا مسلم هي غلطت واعترفت بغلطتها... و اهي جاتلك مش دا اللي انت كنت عايزه انها ترجعلك
مسلم پغضب ودموع كانت ترجع بدري عن كده..... استنت ليه كل ده.... هيا فعلا لو كانت عايزه ترجعلي وبتحبني بجد كانت رجعت من بدري
قاطعه مسلم وهو بيقول متدخلش بيني وبينها... انت لو كنت متجوزك وحصلك نفس اللي حصلي كنت هتعمل ايه... كنت هترجعلها
خديجه بعياط وانت حط نفسك مكاني لو حد بعتلك فيديو زي اللي اتبعتلي وروحت
مسلم بدموع كنت هديكي فرصه تدافعي عن نفسك وتقوليلي عملتي ليه كده وتشرحيلي اللي حصل... تقوليلي قصرت معاكي في حاجه كنت هحاول اعرف منك عملتي كده لييه... مكنتش هسيبك بسهوله زي منتي عملتي
مسلم پغضب ودموع انا اكتر واحد اتأذيت... كله قرر يبعد عني انتي وبابا محدش فيكم قرر يديني فرصه.. محدش فيكم حس بيا... لولا قدرت اثبت اني بريئ ومعملتش حاجه كنتو هتفضلوا طول العمر شايفين اني واحد خاېن مستهلش اي حاجه
خالد طيب دلوقتي اييه... خلاص الحقيقه ظهرت واكرم في السچن وهياخد عقابه... طيب وانتو هتفضلوا كدا علي طول
خديجه بدموع بس انا دلوقتي مش عايزه نفضل كدا... عايزه نرجع لبعض زي الاول
مسلم مفيش حاجه هترجع زي الاول بص عليها وعلي شكلها اللي اتغير وقال روحي كملي اللي كنتي بتعمليه
خديجه بقوة ودموع وانا مش بعمل حاجه غلط... انا بعدت وعملت كل ده عشان محسش اني قليله او احس انه فيا حاجه ناقصه.... عشان انا واثقه من نفسي وعشان انت كمان لما تبقا معايا تبقي واثق فيا من اي حاجه ممكن تحصل..... انا لما كنت بخرج معاك كنت بحس انك بتبقي محرج وانت معايا
خديجه بدموع طيب عشان خاطري ادي علاقتنا فرصه ارجوك
بص علي البحر وقال ببرود مبقاش في اي فرص اننا ممكن نرجع لبعض
قربت منه ومسكت ايديه بصلها مسلم فقالت خديجه بحب انت من حقك تعمل معايا كده واكتر كمان... بس عايزاك تتأكد من حاجه واحده اني مش هسيبك تاني يا مسلم وافضل وراك طول عمري... وانا متاكده ان مهما طال الفراق
بينا هنرجع لبعض في النهايه
بعدين سابته وراحت عند عربية خالد... بصلها خالد بيأس وقال والله انا مش عارف انت عايز ايه بالظبط كنت عايزها ترجعلك ولما رجعت بقيت مش عايزها
كان مسلم باصص لبعيد ومردش عليه... هز خالد راسه بقلة حيله وراح ركب عربيته بصت خديجه لمسلم بحب ودموع... شغل خالد العربيه ومشيوا
بص مسلم علي عربية خالد وعنيه مليانه دموع وهو مش عارف هل اللي عملوا دا صح ولا غلط وهو عمل كده ليه اصلا... هو كان ھيموت وخديجه ترجعله طيب ليه لما رجعلته بقاا مش عايزها ترجع....
يتبع
الفصل_ الواحد الثلاثين
تزوجت_إمرأة_صعيديه
بقلمي_دينا_عبدالله
