رواية قلوب مقيدة (الفصل الخامس5) بقلم نور محمد

اللي قدامه بدون وعي كمان
بقلم نور محمد
خلص عصام كلامه وتهند بدموع وۏجع على حاله ابنه الوحيد واميره قربت منه بدموع وقالت اهدى ياعصام وان شاء الله ابنك هيخف خالص ياحبيبي ربنا موجود متقلقش عليه
عصام بصلها بحزن وقال الدكتور قالي ان علاجه الوحيد هو انه يجوز ويحب بجد يااميره ووقتها عقدته دي هتخف بس ازاي وابني مش بيستحمل حتي انه يشوف ظل ست قدامه من يوم اللي حصل ده معاه انا بجد تعبت يااميره ومش عارف اساعده ازاي دلوقتي
ابتسمت له اميره بدعم وقالت احنا موجوين دلوقتي جنبك ومعاك ياعصام وهنساعدك بأذن الله ياحبيبي
عصام ابتسم لها بخفه وقال شكرا ياقلبي انا ملييش في الدنيا دلوقتي غيرك يااميره و
فجأه تذكر عصام حاجه فقال هو صحيح جوزك فين يااميره انا من زمان اوي مشفتهوش معاكي راح فين يعني!
اميره بصتله وتهندت بحزن وقالت عماد من بعد اللي حصل معاك زمان ياعصام ساب الشغل اللي هنا كله وسافر بره مصر وكل فتره كده بياجي يطمن عليا انا ومريم في الحاره عندي ويرجع يسافر تاني
عصام سمعها بشك وقال طيب ياحبيبتي رني عليه دلوقتي وقوليله اني رجعت علشان انا عاوز اشوفه ضروري عندي طلب حابب اطلبه منه شخصيا
ردت عليه اميره بعدم فهم وقالت طلب ايه ياعصام اللي عاوزه منه انت!
اجابها عصام ببسمه وتوتر احم بصراحه انا محتاج المساعده منك انتي وبنتك مريم بصي يااميره بدون لف ودوران انا بصراحه مش شايف حد مناسب لابني في الدنيا دي كلها قد بنتك مريم وانا سمعت انها سابت خطيبها من فتره علشان كده حابب اطلبها من عماد دلوقتي لابني زين قولتي ايه!
اميره سمعته وتوترت اوي من خۏفها على بنتها لان كلام عصام عن ابنه لايبشر بالخير ابدا فقالت برتباك وخوف انا انا ياعصام مش هلاقي احسن من ابنك لبنتي طبعا بس الحقيقه يعني انت قولت انه..
قاطعها عصام بتفهم وقال ان ابني مريض وصعب التعامل معاه صح بسبب عقدته النفسيه دي مش كده
حمحمت اميره باحراج وقالت احم بصراحه ايوه عندك حق
ابتسم لها عصام بهدووء وقال بصي يااميره انتي زمان كنتي زي بنتي باظبط واكيد بنتك دلوقتي غلاوتها من غلاوه ابني كمان وانا مستحيل اسمح لشئ في الدنيا انه يأزيها انا عاوزك بس تثقي فيها لاني واثق ان مريم الوحيده اللي هتقدر تكسر عقده زين وتخليه يحبها وېموت فيها كمان والايام هتثبت لك الكلام ده بس ثقي فيا دلوقتي وان شاء الله مش هتندمي ابدا
اميره بصتله بتردد بس تهند بقوه وقالت تمام ياعصام انا اكيد واثقه فيك اوي ياحبيبي وموافقه كمان على طلبك وهرن فورا على عماد اقوله انت عاوز ايه و
قاطعها عصام بسرعه وقلق وقال لا اوعي تقولي له انا عاوز ايه