رواية عوض الصابرين (كاملة حتى الفصل الأخير) بقلم رغده

لا ليا يا جوز اختي وانت فاهمني كويس اوي 
علي انت قصدك ايه 
منصور قصدي فلوس اخوك
الي نهبتها والي لحد دلوقتي بتسرقه وهو فاكر انك جهزت بنته وبتصرف على علاج مراته 
علي
انت اكيد دماغك اتلحست فلوس ايه الي سرقتها 
منصور لا يا جوز اختي متجننتش ولا ناسي اتفاقنا 
علي انت وقعت على القايمه ومفيش اي دليل على غير كده 
منصور هههههههههههه لا هو انت فاكرني عيل برياله هههههههههه طب بص كده عالموبايل
علي مصلحتنا وحده يا منصور انت عاوز البت وانا عاوز الفلوس 
منصور الفلوس متهمنيش والي تطلبه انا تحت امرك 

علي حلو اوي بص يا منصور انا هجهز القائمه وانت هتمضيها لكن انا مش هجيب منها قشايه
منصور مش فاهم 
علي انا هفهمك مصطفى بعت فلوس لجهاز بنته والفلوس دي تلزمني وانت ما شاء الله معاك على قلبك قد كده 
منصور فهمتك ومعنديش مشكله انا هجهز مراتي 
علي كمان حاجة 
منصور هي ايه 
علي انت الي هتقول لامي انك مش عاوز جهاز ومستعد تمضي على اي حاجة 
منصور وانا موافق 
علي شاف الفيديو واټجنن ومسك منصور من الجلبيه انت بتسجلي يا كلب 
منصور وهو بيشيل ايديه عنه وانت مستغرب ليه ما انت خنت اخوك ازاي عاوزني أأمنلك 
علي قعد عالكنبه وبينهج 
منصور ها يا ابو نسب قلت ايه 
علي خدها وغور انت وهي 
منصور والبنات 
علي البنات لا 
منصور البنات صغيرين يا علي يعني لا هينفعوا لجواز ولا حتى خدمة ليك ولمراتك
علي ما تتلم ياض 
منصور هههههههه هتلم يا ابو نسب هتلم اطلع جهز البنات وانا هكلم المستشفى تبعت عربية الاسعاف
دخل منصور البيت وشفت اخواتي بيجروا ناحيتي وقلبي رفرف من الفرحة خدتهم بحضني وعيطت كتير من فرحتي بوجودهم عندي 
منصور طب وانا مليش حضڼ برضه 
قمت وحضنته حضڼ حقيقي وانا بشكره من كل قلبي انه خلص اخواتي من جبروت عيلة بابا الي مش بيرحموا 
لقيته بادلني بحضن طويل ودافي وبعدها مسح دموعي وقالي انا حجزت اوضه خاصه لمامتك بالمستشفى على حسابي عشان ياخدوا بالهم منها 
انا سمعته قال كده ومسكته وحضنته جامد مش لاقيه كلام اقوله 
مسكت ايده ووطيت ابوسها لكن هو سحبها وباس دماغي اهم حاجة بالدنيا دي كلها آنك تكوني مبسوطة يا ست البنات 
شيرين انا متشكرة اوي يا منصور 
منصور خدي البنات وشوفي محتاجين ايه و دخليهم الاوضه دي يناموا وتعالي اوضتنا نتكلم كلمتين على رواق وننام عشان الصبح اخدك ونروح نزور مامتك
وفعلا خلصت اخواتي من غيار واكل ونيمتهم ورحتله وانا مستعده اعمله اي حاجة يطلبها عشان الي هو قدمهولي غالي اوي اوي
بعد كام يوم ماما خرجت من المستشفى وبقت احسن بكتير وخدتها البيت عندي وده كان اقتراح منصور الي بقيت احس ناحيته بمشاعر جديدة مكونتش احسها من قبل يمكن يكون احساس بالجميل معرفش هو ايه بالظبط لكن كل الي اعرفه انه احساس جديد ومريح
منصور بتوتر عاوز اقولك حاجة بس بالله عليك ما تزعلي يا شوشو 
شيرين في ايه يا منصور سيبت ركبي 
منصور بحزن انا عرفت ان باباكي اتجوز ومن مده كمان 
شيرين يا لهوي اتجوز 
منصور وهو بيقفل بقي ششششش امك هتسمع 
شيرين ما تسمع ولا انا هخبي عليها 
منصور يا حبيبتي مامتك لسا تعبانه ومش حمل خبر زي ده
دقات على الباب ومنصور فتح ولقيت ماما قدامي سامحوني لكن لما سمعت صوت شيرين خفت يكون فيها