رواية صراع الذئاب (الجزء الثالث)بقلم ولاء رفعت

من تقصد 
آندرو الشاب الذي تركك وذهب 
نهضت وقالت 
عذرا سنيور ... لدي موعد وقد تأخرت ... سلام 
أمسك يدها وقال 
ومتي سأراكي مرة أخري ... يا جميلتي 
جذبت يدها وكادت تتفوه فقاطعها صوت يونس 
عايز منك أي الراجل ده ... قالها يونس پغضب 
تحدث آندرو وقال 
واو ... إنه مصري مثلك ... عفوا يا هذا كنت أرحب بشقيقة صديقي 
كارين وهي ترمق يونس حتي يصمت فقالت 
شكرا لك سنيور آندرو ... نراك لاحقا 
ثم أردفت ليونس وتهمس إليه 
اوعي تتهور وتعمل مشكله تعالي نروح
وهافهمك بعدين 
زفر
بحنق وقال 
يلا أدامي 
شيماء وأنا بقولك لاء يا عبدو .. هو لو كان نفع نفسه كان نفعك 
عبدالله ما هو بقي بيشتغل عنده ف المصنع وبمرتب حلو كمان 
تركت الطبق من يدها ووضعت يدها ف خصرها وقالت 
لاء بقي ده أنت شكلك قعدت تتساهر مع البت السنكوحه دي وعرفت كل حاجه منها 
عبدالله
ماتفهمي بقي يا ام دماغ جذمه ... أنا يعني يوم ما هبص لغيرك مش هلاقي غير دي ... أنا بحكيلك عشان تبقي تكلمي صاحبتك من ناحية وأنا هقرب من طه أكتر من ناحيه تانيه 
شيماء مصلحه يعني 
عبدالله هي الدنيا كده يا حب مصالح 
شيماء وأنا عمري ماعرفت حد عشان مصلحه 
نهض وأخذ منها باقي التفاحه التي كادت تأكلها وقال 
وش فقر طول عمرك 
صاحت شيماء بحنق وقالت يعني خلصت كل التفاح الي ف الطبق وكمان أخدت بتاعتي ياطفس 
عبدالله أومال مين الي خلص الاتنين كيلو موز وزيهم تفاح إمبارح !! .. تعالي كوليني ياختي 
شيماء أخس عليك يا عبدو بتعد عليا الأكل ... وبعدين أنا باكل ليا بس ولابنك كمان 
عبدالله بالهنا والشفا يا حبيبتي ... روحي يلا حضرلي هدوم عقبال ما أخدلي دش عشان نازل 
شيماء رايح فين لسه بدري ع ميعاد شغلك 
عبدالله رايحين نزور واحد صاحبنا عيان وهنعمل معاه الواجب 
شيماء بصوت غير مسموع اه ياخوفي منك ياعبده لو طلعت بتلعب من ورايا لهتكون النهاية معاك وقبلها هاكون مطلعه عليك القديم والجديد 
ياشوشووووووووو... هاتيلي فوطه ... صاح بها عبدالله 
شيماء حاضر
في المنزل الريفي ...
تطرق ع باب الغرفة وترجوه 
يونس حبيبي حقك عليا متزعلش مني مش هكررها تاني 
يونس من الداخل 
خلاص يا كارين سبيني أهدي مع نفسي 
قالت أنا مكنتش أعرف إنك غيور للدرجدي ... كل ده عشان سلم عليا 
فتح الباب وقال 
حطي نفسك مكاني لو لقتيني واقف مع واحده وبسلم عليها وعمال برغي معاها شعورك وقتها هيبقي أي 
أجابت بإندفاع 
كنت هاجيبها من شعرها غير الي هاعمله فيك 
يونس يعني المفروض كنت هامسكو أضربو وليا حق أزعل منك 
كارين يا حبيبي هقولك من تاني ... ده زعيم ماڤيا ويبقي صاحب أخويا وعارفني لما كان بيجي زيارة لقصي ف مصر ... وربنا يستر بقي وميتصلش عليه ويقوله إن أنا هنا 
يونس طيب خلاص أقفلي ع الموضوع ده وروحي كملي أكلك وسبيني أهدي مع نفسي 
كارين وأنا مش هاكل غير لما تاكل معايا 
أذعن لها وقال ماشي يا كارين 
كارين خلاص بقي عشان خاطري متزعلش 
قالتها ثم أخذت تدغدغه ف خصره ... قهقه وقال بين ضحكاته 
إحنا فينا من كده ... طب تعالي 
قالها ليفعل معاها المثل وهي تضحك حتي أدمعت عينيها من كثرة الضحك 
تناول كليهما الطعام معا بسعادة وحب ... كان يأكلها بيده وهي كذلك أيضا 
جلسا أمام التلفاز يشاهدو فيلما رومانسيا ..
غرفتهما التي تشهد ع أجمل قصة حب وعشق ووله .
تجمع كل من آدم ومصعب ويوسف وياسين أمام المشفي الموجود به عم شكري والسيدة سميرة ...
صدح رنين هاتف مصعب ليتصل عليه إحدي الحراس فأجاب عليه وأستمع لما قاله وأغلق المكالمة 
مصعب يوسف بيه نصار حارس البوابة بيقول إن فيه واحد جه أداله جواب وجري بسرعه بالموتوسيكل فتحه ولقاه مكتوب فيه ... لو عايز بنتك حضر لنا مبلغ مليون جنيه وهاتهم ع العنوان الي ف أخر الورقه ولو خاېف عليها إياك تبلغ البوليس 
آدم أنا هاروح أسحب المبلغ من البنك بسرعه وهاروحلهم 
يوسف الساعه عدت 4 والبنوك زمانها قفلت ... وكل الي أملكه ف الفيزا ربع مليون 
آدم وأنا معايا فيزتين فيهم حوالي نص مليون 
مصعب وأنا معايا باقي الفلوس ... أتفضل يا يوسف بيه ... قالها مصعب وهو يعطيه بطاقة الإئتمان خاصته 
ربت ع يده وقال تسلم يا مصعب ربنا يخليك .. هديهملك أول ما نرجع القصر 
مصعب 
عيب يا يوسف بيه ... ده من خيركو 
آدم طيب يا مصعب تعالي معايا أنا ويوسف والرجالة وياسين يطلع ياخد عم شكري وداده سميرة يروحهم ع القصر 
أنطلقت السيارات ع العنوان الذي أبلغ الحارس به مصعب وكان مخزن قديم ع طريق الواحات الصحراوي بعدما سحبو المبلغ المطلوب ف طريقهم 
لكن لم يأتي الوقت ف صالحهم حيث سبقهم مروان الذي علم بغدر هؤلاء المچرمون وبمعارفه المتعددة بأصحاب الچرائم والمشبوهين علم بأماكنهم خاصة المخزن التي توجد به لوجي 
بتضحكو عليا يا ولاد ال ..... صاح بها مروان وهو يمسك بإحدي الثلاثة وألقاه ضړبا مپرحا وكاد يهاجمه الأخرون فأمسكو بهم الرجال الذي أحضرهم مروان برفقته وأوسعوهم ضړبا شديدا 
أونكل مروان ... أونكل مروان ... صاحت بها الصغيرة المقيدة 
ركض نحوها وحملها وقال 
مټخافيش يا حبيبتي أنا جاي أخدك من إيد المجرمين دول 
لوجي بليز خدني عند مامي نفسي أشوفها 
مروان حاضر يا حبيبتي أنا هاخدك ليها مټخافيش 
أخذ الطفله وأمر رجاله بالمغادره سريعا ليرحلو جميعهم ليذهب بها إلي إنجي وهربوا إلي مكان أخر 
وصلت السيارات أمام المخزن ترجل كل ما بداخلها من الرجال 
ولج كل من آدم ويوسف ومصعب ليجدوا الثلاثة ملقين ع الأرض يذرفون الډماء 
أمسك يوسف إحدهم من تلابيبه وقال 
أنطق يا حيوان فين البنت 
أجابه بوهن مروان بيه جه خدها ومشي 
ألقاه يوسف ع الأرض وعينيه تتسع پصدمه وقال 
مروان !!!
٣١
يقف أمام مرآه الحوض لحلاقة ذقنه بتأني ... رن جرس المنزل بإستمراريه مع طرق عڼيف ع الباب فأنتفض لتنغرز
حافة الشفرة بذقنه ... تأوه ثم زفر بضيق فقام بغسل وجهه بالكامل وأمسك المنشفه القطنيه يجفف وجهه وصاح بحنق 
حاضر ... حاااااضر 
أتجه نحو الباب وقبل أن يفتح ألقي نظره من الفتحة المستديرة ليجد علاء الطارق وع وجهه علامات الڠضب المستطير ...
فتح له الباب ... ليدفعه علاء جانبا وعيناه تجول ف جميع الأرجاء 
صاح إيهاب بحنق أي الداخله دي يا علاء !!!
رمقه بنظرات غاضبه وأجاب عليه 
رحمة فين يا إيهاب 
أجابه بإستنكار 
مش فاهم حاجة 
علاء رحمة هربت من إمبارح ومش لاقينها ولا عند أهلها ولا قرايبها ومش فاضل غيرك أنت 
إيهاب تقصد أي بكلامك !!
علاء أقصد إنك الوحيد الي ممكن تلجأ له رحمة 
إيهاب وأي الي خلاك تفكر ف كده ده هي مرة الي قابلتني فيها لما جبتها المكتب 
صاح علاء پغضب 
كدااااب ... رحمة جاتلك من غير ما اعرف بإمارة لما وصلتها الحارة من كام يوم بعربيتك 
صاح إيهاب پغضب مماثل 
ولنفرض يا أخي أنت أي الي مضايقك ... كنت أخوها ولا أبوها ولا واصي عليها 
جذبه علاء من تلابيب قميصه القطني وصاح قائلا 
تبقي مرات أخويا وسايبها أمانه عندي لحد مايرجع من السفر 
أمسك إيهاب بيدي علاء ويبعدها 
عيب الي بتعملو ده يا علاء أنا مراعي
الصحوبيه الي مابينا وإنك ف بيتي 
أبتعد علاء وهو يجز ع فكه وقال 
والله العظيم يا إيهاب لو
عرفت إن ليك يد ف هروبها مش هارحمك ولا هرحمها 
أجاب عليه ببرود 
أعلي ما ف خيلك أركبه ... وقريب هخليها تتخلص من أخوك ومن عيلتكو كلها 
زفر ف وجهه وقال ساخرا 
بس مش هتقدرو تتخلصو مني أنا يا صاحبي 
قالها وغادر المنزل ...
بس ياستي ده كل الي حصل بعد مانزلتي ع طول ... قالها إيهاب حيث يجلس مقابل رحمة ف إحدي المطاعم المطله ع نهر النيل 
تنهدت رحمة ثم قالت 
الحمدلله إن أنا نزلت قبل مايجي 
رمقها بنظرات متفحصة وقال 
بس أنا حاسس إنك بالنسبة له مش مجرد مرات أخوه وبس 
أنتابها التوتر فقالت 
أنت ليه بتقول كده 
إيهاب لأنه صاحبي وعارفه ... لو شوفتي نظرات عينيه وملامح وشه لما قولتلو هتطلق وهتخلص منكو .. كنتي فهمتي أنا أقصد أي 
رمشت بأهدابها عدة مرات وقالت 
أنا عارفه وكنت حاسه ومقدرش ألومه لأن قلوبنا مش بإيدينا عشان كده لما قررت أمشي مقولوش ع مكاني 
تنهد إيهاب بأريحيه فقال 
طيب وأنتي
أبتسمت بتهكم وقالت 
أنا ! .. جربت الحب مرة وهو الي وصلني للي أنا بقيت فيه ... وأظن بعد كل الي جرالي عمري ما هقرر التجربة دي تاني سواء مع علاء أو مع غيره 
إيهاب أنا مش معاكي ف النقطه دي .. بمعني إن إحنا عشان فشلنا مرة ف إختيار كان غلط يبقي هنحكم ع قلوبنا بالسجن مدي الحياه ... يعني ممكن وأنتي ف عز محنتك تقابلي الشخص الي يحبك بجد ويقدر يعوضك عن كل الي مرتي بيه 
قالها وظل محدقا ف عينيها ... شعرت بالخجل والتوتر فأحبت تغير مجري الحديث فنهضت وقالت 
ياااه الوقت جري بسرعه عن إذنك بقي لما ألحق أمشي 
إيهاب هتمشي ع فين 
رحمة ما أنا نسيت أقولك الحمدلله لاقيت مطرح كده أوضه وصاله وحمام ف بيت كده قديم صاحبه راجل طيب خالص وهياخد مني إيجار قليل وكمان لما عرف إن بدور ع شغل طلب مني أشتغل معاه ف المكتبة بتاعته 
إيهاب وأنا بطلب منك تسيبك من شغل المكتبه دي وتعالي أشتغلي معايا ف المكتب 
رحمه ولما علاء يشوفني عندك 
إيهاب مټخافيش ميقدرش يعمل حاجه وأنا جمبك 
رمقته بعدم إهتمام لما تفوه به فقالت 
إن شاء الله ربنا يسهل .. لازم أمشي قبل ما الوقت يتأخر 
إيهاب أستني هاوصلك 
رحمة لاء شكرا 
قال بنبرة صارمه 
هاوصلك لحد تحت البيت وهاطمن عليكي لحد ما تطلعي وهامشي 
شردت ف عينيه
وأومأت له وقالت 
حاضر 
توقف بسيارته أمام إحدي المراسي ع نهر النيل ...
ها وصلنا أخيرا ... قالتها صبا حيث معصوبة العينين 
أها وصلنا بس خلي الشريطه ع عينيكي لحد ما أنا إشيلهالك ... قالها قصي ثم ترجل من السيارة ليلتف إليها وفتح الباب وأمسك بيدها ليساعدها ف النزول وقال 
ع مهلك ... خليكي ماسكة ف إيدي 
سار ممسكا بها حتي وصل أمام يخت ... وقف خلفها وقام بفك الرباطه من ع عينيها لتفتحهما ببطئ بسبب ضوء الشمس ... فأتسعت عينيها بفرحة غامرة عندما رأت حروف إسمها مضيئة بأعلي اليخت فقفزت بسعاده وقالت 
الله حلو أوي 
أمسك يدها وقبلها وقال 
كل سنة وأنتي روحي وحياتي ... كل سنة وأنتي طيبه يا عمري 
أرتمت ع صدره لتعانقه وصاحت بسعاده 
ربنا يخليك ليا يا حبيبي وميحرمنيش منك أبدا 
قصي عجبتك الهديه 
صبا تسلملي يا حياتي 
قصي تعالي أفرجكك عليه من جوه.. قالها ليفاجاءها وهو يحملها ع