رواية وبقى منها حطام انثى(كاملة جميع الفصول) بقلم منال سالم

عن نفسي شويه أنا مخنوقه من ساعة ما جينا أسكندرية وأنتي هتساعديني عشان نقنع بابا وبعدين الرأي رأيكوا وأنا ماليش دعوة بعمرو
تحيه وهي تزفر أنفاسها بضيق طب هشوف كده وأقوله
رحيم في ايه ياتحية واقفين كده ليه
تحية بعبارة واحده لكي تتخلص من العبء إيثار عايزة تروح تشتري شوية حجات ناقصاها ياحج
رحيم وهو يهز رأسه موافقا وماله لما ييجي أخوها ياخدها وينزلو يجيبوا كافة شئ هي محتجاه

إيثار بلهجه متردده لل لأ انا كنت عايزه أروح مع روان يابابا أصلها رايحة النهارده تشتري حجات ليها وأنا قولت فرصه
رحيم وهو يعتدل في جلسته البت الصغيره اللي تحت!!
تحية أيوه ياحج هي وأهي تسليها وتعرفها علي أماكن المحلات
رحيم مشيحا بوجهه عنهن لأ
إيثار وهي تغمز لوالدتها ياماما
تحية وهي تقترب من الأريكة لتجلس قبالته ما تسيبها ياحج الأتنين بنات وهياخدوا راحتهم مع بعض إنما عمرو خلقه ضيق ومبيستحملش لف البنات وشړاهم
رحيم بتفكير 
تحية عشان خاطري أنا سيبها تروح وهي توعدك أنها مش هتتأخر
رحيم وهو يرمقها بتفكير وهتروحوا فين إن شاء
الله 
إيثار وقد طهرت أبتسامتها هنروح شارع إبن الوليد
رحيم وهو يشير لساعة الحائط لو أتأخرتي مش هتشوفي الشارع تاني
_ أقتربت منه تقبل رأسه ثم هتفت ب 
إيثار حاضر يابابا متقلقش عن أذنكوا عشان عندي محاضرات
رحيم ربنا يوفقك يابنتي
_ هبطت إيثار درجات السلم سريعا ولكنها توقفت حينما رأته فبادرها ببسمة متفائلة ثم أردف
مالك صباح الخير
إيثار وهي تهبط الدرج بتمهل صباح النور
مالك وهو ينظر لساعة يده أنتي عندك أول محاضرة الساعه 10 الصبح أتأخرتي كده ليه
إيثار وقد رفعت أحد حاجبيها أنت حفظت المواعيد كمان
مالك بنصف إبتسامة أكيد طبعا دي بقت شبه أسمي
إيثار راحت عليا نومه وأنت محاضرتك الساعه كام
مالك وهو يحك مؤخرة رأسه لأ معنديش جامعه أنا رايح شغلي
إيثار وقد ظهر بنبرتها الأعجاب أنت بتشتغل
مالك وقد أستشف أنه نال أعجابها أخيرا طبعا بشتغل هو أنتي مستقليه بيا ولا أيه
إيثار لالا مش قصدي والله آاا انا لازم أنزل بقي
مالك بلهجه جدية قليلا أستني هنزل معاكي أركبك دلوقتي هتلاقي زحمة ورجاله كتير واقفين عند الموقف
إيثار بإرتباك ملحوظ لا متتعبش نفسك ا انا ب 
مالك مشيرا بيده للأسفل يلا ياإيثار عشان منتأخرش
إيثار بأنصياع له حاضر
_ هبطا سويا ثم جعلها تسير أمامه وظل هو خلفها گظل شجرة يانع أوراقها لتطل هذه الأغصان مغطية فوق رأسها حماية لها حتي وجد الحافلة قد أخذت موقعها وفي أنتظار تعبئة مقاعدها الشاغره فأشار لها لتصعد وما أن تأكد من جلوسها حتي أنصرف هو
_ كانت تملؤها اللهفة للذهاب مع روان للتسوق حيث رأت بذلك مخرجا جيدا من بؤرة منزلها وحجرتها ونافذتها فما ان أنتهت من محاضراتها الدراسية حتي أنطلقت لمنزلها لكي تستعد للنزول مع روان حيث أرتدت تنورة زيتونية اللون ويعلوها كنزة ذات طول متوسط من اللون الأبيض ذات فتحة صدر مثلثية ضيقه ويبرز منها الفصوص المزينة لها ثم تأنقت بوضع حجابها الذي جمع بين مزيج من الألوان الخضراء المختلفة الدرجات وبعد أن غرزت الدبوس المعدني بالحجاب وجدت صوتا مألوفا عليها يأتي من النافذة فأمسكت حقيبتها الجلديه وأطلت برأسها من النافذة وتحدثت ب
إيثار أنا خلصت أهو
روان وهي تغمز لها بعينيها قمراية ياريري وأنا كمان خلصت لبس يلا انزلي وهقابلك علي السلم
إيثار تمام سلام
سارة شوفتي بعينك العلاقة عامله أزاي بينها وبين أخته
_ هتفت سارة بعبارتها لوالدتها التي كانت تقف جوارها وتتابع المشهد في صمت ثم قوست الأخيرة فمها بإزدراء ثم أردفت ب
إيمان شوفت بس برده لازم نتأكد من موضوع اخوها ده صح ولا لأ عشان منطلعش غلطانين
سارة بلهجه ساخره هنشوف
_ كانت تتأمل شوارع مدينة الأسكندرية بشئ من السعادة فلقد حظيت ببعض الوقت بدون سلطة وتحكمات أبيها وأخيها الأكبر ودت لو لم تعود إلى المنزل ولكن لا تستطيع فعل ذلك كانت روان تتحدث معها بمعدل سريع في حين لم تصمت إيثار عن الضحك والمرح معها وبينما كانتا تسيران سويا لمحت إيثار ثوبا من اللون الباذنجاني الذي تعشقه كان فستانا مميزا بحق أستطاع جذب أنتباهها من النظرة الأولي فقررت أن تبتاعه لها وبالفعل دلفن سويا للسؤال عن ثمنه ولكن تفاجئت إيثار بأن ما تبقى معها من المال لن يكفي لشرائه فعبست ملامحها وتجهمت وهي تردد
إيثار ياريتني ما أشتريت البلوزة دي كان زماني جيبته
روان وهي تضغط علي ساعدها بخفه طب ممكن تيجي تجيبيه بكرة لما تكملي تمنه
إيثار وهي تهز رأسها بأسف مش هينفع بابا مش هيوافق أنزل تاني وعمرو كمان أجازتة بكرة يعني مستحيل يسيبني أنزل
روان بتزمجر عندك حق حمبوزو بوزو ده غتت اوي
_ أطلقت قهقهه مرتفعه قليلا ثم هتفت قائله
إيثار أنتي مسمياه اي!
روان بمرح حمبوزو بوزو اسم يليق بيه بصحيح
إيثار وهي تشير بيدها للخارج طب تعالي نمشي بقي
روان هأكلك أيس كريم بقى تحلفي بيه من عند طنط عزة
إيثار وقد أنعقد ما بين حاجبيها مين طنط عزة دي 
روان بمزاح قصدي إيس كريم عزة دي من أشهر محلات الأيس كريم هنا
في أسكندرية
_ توجهت بها نحو أحد محال المثلجات الشهيرة ثم قامت بحجز كوبين من المثلجات وذهبت لأحضارهن من الداخل في حين أنتظرتها إيثار بالخارج حتي رأتها تأتي فتقدمت نحوها
روان بصي أنا جيتو بالشوكليت والكراميل والفانيليا
إيثار بشهية مفتوحه تسلم أيدك
_ ألتقطته منها ثم ألتفتت فجأة لتصتدم به وتسقط بعض قطع المثلجات علي قميصه
مالك وهو ينظر لقميصه بعبوس يانهار ملحوس بالأيس كريم
إيثار وهي ترمش بعينيها عدة مرات ااا اسفه اا 
مالك بلهجة غير مباليه مش مهم حصل خير الحمد لله ان القميص أسود
_ أخرجت منديل ورقي من حقيبتها ثم مسحت به على قميصه بصفو نية في حين صدم هو من فعلتها تلك ولكنه شعر بالسعادة لأقترابها منه وملامستها الغير مقصودة لصدره بينما أنتهت هي وكادت تلقي المنديل بصندوق المهملات الموضع جوار المحل ولكنه أسرع قائلا
مالك لالأ هاتيه
انا عايزه
إيثار بعدم فهم ليه
مالك بسرعة بديهية عادي همسح القميص تاني
روان طب روح هات ايس كريم بدل اللي باظ ده
مالك بأبتسامة متسعة بس كده طيران وراجعلكوا
إيثار لالا مش عايزة خلاص
مالك بعدم إكتراث مش هتأخر خليكوا هنا
روان وهي تغمز له بعينيها طب أنجز
_ نظرت إيثار لهاتفها لترى كم الساعة فأطمئنت عندما وجدت أن الوقت مازال متاحا لديها وما هى إلا لحظات حتي وجدته قد حضر ممسكا بكوب كبير الحجم من المثلجات يتميز بالأطعم المختلفه ففغرت شفتيها بذهول ثم رددت قائله
إيثار مين هياكل كل ده !
مالك وهو يشير لملعقتين بيده أحنا الأتنين
إيثار وهي تتلوي بشفتيها اها
_ أشار مالك بيده اليسرى وهو يقول
مالك في مكان حلو أوي تعالوا نروح هناك بدل الزخمة دي
إيثار وهي تنظر حولها بترقب اا ايوه بس ااا 
مالك ناظرا لروان متقلقيش انتي اصلا خارجه مع روان انا جيت صدفه
إيثار وهي تتمعن بعينيه ثم أردفت مستنكره صدفه!
مالك وقد أطرق رأسه لعدم مجابهة عينيها لا متبصليش بعينك العسلي دي احسن والله هتلاقيني أعترفت بكل الكدب اللي كدبته في حياتي
_ قهقهت بخفوت ثم رددت ب 
إيثار طب يلا عشان هنتأخر
_ سلط بصره على مبسمها وهو يتغزل بها داخل نفسه مرددا
وجمال ضحكتها لا يضاهي إشراق شمس بعد رعد وبرق وماء 
_ كان يلملم الأوراق والمستندات المكسدة الموضوعة علي سطح المكتب حتي يغادر العمل ويذهب لمنزله فوجد صديقه بالعمل محسن قد آتي للتو بعد أن أنهي عمله
محسن ايه ياعمرو لسه مخلصتش ولا اي
عمرو بتأفف بلم الورق اهو وهمشي مكنتش أعرف إن الشغل هنا مرمطه كده
محسن بإبتسامة برزت أسنانه المصفره علي أثر النيكوتين معلش انت أصلك مخدتش علي الشغل معانا لسه
عمرو ناظرا لساعة يده يدوب ألحق أروح وأتغدي عشان أنزل أتفرج علي الماتش بالليل
محسن وهو يغمز بعينيه يابختك ياعم لقمة سخنه وهدمه نضيفه عايش ملك ېخرب بيت العذوبيه
عمرو عاقدا حاجبيه بإندهاش أيه ده انت مش متجوز ولا أي
محسن بلهجه سريعه لأ عازب ويوم الأجازة بالنسبالي مرمطة عشان بضطر اجيب أكلي من الشارع
عمرو طب اي رأيك تيجي تتغدي معايا بكرة دي الحجه عليها نفس مش علي حد
محسن مدعيا الضيق ياعم مش عايز أضيق عليكوا
عمرو وهو يلكزه بخفه في كتفه عيب عليك ياجدع هستناك بكره بعد العصر أوعي متجيش
محسن وهو يحرك كتفيه خلاص اللي تشوفه
_ أبتسم من زاوية فمه
بمكر بين ثم تحدث لنفسه قائلا
محسن عالله بس تكون موجودة أحسن كل ده يطلع علي فشوش 
الفصل الثامن 
ولمحت في عينيها وميضا 
فسلب عقلي رغما عني 
وأرداني في محراب حبها قتيلا  
استمتعت إيثار بالوقت الذي قضته بصحبة روان وأخيها مالك 
كم ودت لو استمرت تلك اللحظات الممتعة للأبد فهي قلما تقضي وقتها بصورة طبيعية ولكن لكل شيء نهاية 
وقبل أن ينقضي اليوم قرر مالك إصطحاب الاثنتين إلى مكانه المفضل  
في البداية اعترضت إيثار قائلة 
كده أنا هتأخر ومش حابة يحصل مشاكل مع بابا وأخويا
نفخت
روان من الضيق وغمغمت بخفوت 
اخوها الغلس أبو بوز
إلتقطت أذني مالك ما همست به أخته فلكزها وهو يرمقها بنظرات محذرة 
خفي يا خفة ! 
لوت فمها لتقول بضجر 
الله
!
رسم مالك إبتسامة بلهاء على ثغره متسائلا 
ها يا إيثار موافقة 
لفت روان ذراعها حول كتف إيثار وهتفت بحماس 
يالا يا ريري مش هنتأخر عشان خاطري وافقي بليز بقى
أضاف مالك قائلا بحزن زائف 
ايوه عشان خاطر الغلبانة دي
اضطرت إيثار تحت تأثير إلحاحهما المستمر أن توافق وهزت رأسها قائلة بإستسلام 
ماشي بس هي نص ساعة بالكتير
رد عليها مالك بسعادة بادية عليه 
ياه ده نص ساعة هتكفي وتزيد
سارت روان وهي متأبطة في ذراع إيثار وإلى جوارهما مالك الذي لم يكف عن الحديث عن مكانه المفضل ومدى جماله وطبيعته الساحرة 
تشوقت إيثار كثيرا لرؤية المكان الذي استحوذ على تفكير مالك وبات بقعته المفضلة 
وصلنا 
قالها مالك وهو يشير بيده نحو كورنيش البحر حيث صفحة مياهه الزرقاء ورذاذ أمواجه المتلاطمة والهوجاء 
ضيقت إيثار عينيها وأمعنت النظر في هذا المكان المميز الذي خطڤ أنظارها فور أن رأته 
لفحت نسمات الهواء العليلة وجنتيها فأصابتها بإنتعاشة رقيقة  
ورغم مرور بعض الوقت منذ إنتقالها للعيش مع أسرتها في الإسكندرية إلا أنها لم تقم بزيارة واضحة لمنطقة الكورنيش الشهيرة 
كانت تلك البقعة من الكورنيش شبه خاوية من الأهالي والمارة بها سكون آسر وسحر خلاب 
قفزت روان عدة مرات من السعادة وهي تهلل قائلة 
واو يا مالك المكان تحفة انت عرفت الحتة دي ازاي
غمز لها قائلا 
عشان تعرفي
ثم سلط أنظاره على إيثار وسألها بإهتمام 
ها إيه رأيك 
تملكها شعور بالإرتباك وهو محدق بها بنظرات وترتها فتلعثمت وهي تجيبه 
أنا أنا مش عارفة أقولك ايه بجد المكان فوق الخيال أنا متوقعتش إنه